مانـي بزعـلان مابـه شـي يزعلنـي
الله لايجيب الزعل مـن بينـي وبينـك
كلمـة زعـل لاتكـررهـا وتشغلـنـي
نيـة زمالـه بريـه مــن محبيـنـك
وأنـا مالومـك لآنـك كنـت تجهلنـي
وقد قيل من يجهلـك يجهـل عناوينـك
مدامك أنـت الـذي بالشعـر تسألنـي
علـي واجـب أقـول الحـق وأعينـك
بس أنت باٍ سلـوب خاطـي لاتعاملنـي
لآني معك صادق ودينـي علـى دينـك
هـذا عـدا قولتـك لـي لاتجاملـنـي
وأنا لك أنصحت لآجل(ن) ماحد(ن) يدينك
لوكنت تدري وش كثر الشعـر يشغلنـي
وحرصي عليك انت من نظرة معادينـك
أحسب جميلـي بمـن مثلـك يجملنـي
وأسقيـت ورد القوافـي فـي بساتينـك
ولاكنت هاقـي بنـار الشـك تشعلنـي
يوم أنت شكيـت بأنـي قاصـد أهينـك